香港新浪網 MySinaBlog
« 上一篇 | 下一篇 »
kid | 1st Jul 2009 | 人生哲理 | (1115 Reads)

一個人想得到真正嘅快樂, 其實係唔太需要物質, 唔在於你份人工高低, 唔在於你有幾多層樓揸手, 同埋幾多錢喺銀行,

亦唔在於客觀環境係點, 因為有D人會將半杯水睇到半滿, 而有D人半杯水就睇到半空,

雖然明明係同一杯水, 但正面同負面嘅睇法, 就令到結論有南轅北轍分別,

講到呢度, 我又諗起一个故仔,

 

 

 

好耐以前, 有位爸爸有兩个仔, 兩个仔仔都係做生意, 大佬就賣香, 而細佬就賣摭,出太陽果時, 个老豆就好擔心細佬賣D摭無生意, 落雨果陣, 又好擔心大佬D香受潮,有位和尚知道呢件事之後, 就指點个爸爸換個角度去諗, 令佢恍然大悟, 由憂轉喜,

結果, 落雨時, 阿爸就好happy, 因為個細仔有生意做, 出太陽果陣, 佢又好開心, 个大仔D香唔洗怕受潮威脅,

我哋控制唔到生命橫坐標嘅長短, 即係生老病死呢D自然過程, 不過, 縱座標嘅厚度, 即係生活嘅快樂, 我哋絕對係控制得到, 同一件事有唔同結論其實在於你用乜嘢心態對待。

正所謂, 金無足赤, 人無完人, 世事邊有事事如你所願? 硬係要求全, 要事事得心應手, 同水中撈月有乜分別呢?

快樂嘅人生係應該努力追求橫縱坐標結合嘅果一點, 因為係得果點真正屬於你,

揾到果个交叉點, 自然心胸廣濶, 氣量越係大, 就越可以正確對待生活中嘅種種不足, 仲可以笑口常開, 笑天下可笑之人, 容天下難容之事, 成為生活中嘅強者。

 

 

N